Tatar häm başkort ictimagïj, icadi berläşmälärenä, gammävi mäg˝lümat çïganaklarïna, şulaj uk RF möselman oeşmalarïna
M Ö R Ä C Ä G A T’
30 gïjnvar 2007 el
«Kïştïm facigasï»nä bu elnïñ 29 sentjabrendä 50 el tula. Ul «MAJAK» zhiteşterü berläşmäsendä uzgan iñ zur şartlau. Anïñ radioaktiv zïjanï Çernobïl’nekenä tiñ. Bu atom-töş monstrï ěşli başlagan eldan, jag˝ni 1948 eldan birle, anï çornap algan zur territorija daimi räveştä kontrol’sez zararlï citeşterü kaldïklarï täěsirendä buldï. Atom-töş berämleklärendä uzgan küp sanlï avarijalär täěserendä dä zur zïjan kürde. Bu cirlär Çiläbe, Sverdlau, Tömän, Kurgan ölkäläre belän çornap alïngan. Älbättä, zïjan kürüçelär sanï jözlärçä meñnär belän isäplänelä. Atom citeşterüendä ěşläüçelär belän bergä tirä-jun’däge torak punktlarïnda jaşäüçelär dä korban bulgan. Alar bügenge köngä kadär ěvakuatsijalänmägännär, avarijanï tuktanka keşelär bularak l’gotlar almïjlar.
Şuña ig˝tibar itegez, bu cirlärdä, gasïrlarça millättäşlärebez jaşi. Bu turïda ul tirädäge geografik atamalar da söjli. Däülät gaebe belän iñ kiräkle närsälär: tugan cirennän, sälamätlegennän, jakïnnarïnnan, ěşennän mährüm kalgannar häm almaşka bernärsä dä ala almagan, ülep baruçï avïllarnïñ keşeläre arasïnda bezneñ millättäşlärebez dä bar. Bez dä kajgïrtmïjça, kem kajgïrtïr soñ alar turïnda? Kïersïtïlgannarnïñ xokuklarïn jaklau, däülät däräcäsendä alarnïñ problemalarïn nigezdän çişügä ireşü, küçenüdä jardäm itü, dävalanuda, ěşkä urnaşuda, ukïrga kerüdä bulïşu bezneñ izge maksatïbïz tügel meni, bez monï ěşli almïjbïz meni? Bez üzebezne ber xalïk dip sanïjbïz läbasa.
Şunïsï ähämijatle, bu el Tatarstanda "Xäjrija elï" dip ig˝lan itelde. Bu idejanïñ tormïşka aşïruï bezneñ xalkïbïzï öçen ural tatarlarïna jardäm kürsätüdä çagïlïş tapsïn ide.
Bez Uraldagï tatar avïllarïna barunï, jaşäüçelärneñ xokuklarïn mäxkämälärdä jaklaularnï oeştïrganï öçen Bötendön’ja tatar kongressïna, şulaj uk jazuçï häm cämägat’ ěşleklese Fäüzija Bäjrämovaga bu nisbättän xäterlärebezne jañartïp toruï öçen räxmät äjtäbez!.
Bu nisbättän 2006 elda ěşlängän tübändäge ěşlärebezne bäjan itäbez:
Fäüzija Bäjrämovanïñ «Atom atavïnda jaki tatarlarga karşï atom genotsidï» kitabïn anïñ alman telenä tärcemäse häm näşrijatï, berençe bülegen ingliz telenä tärcemä itü. Kitapnïñ töp nösxäse häm tärcemäläre ělektron formada da taratïldï;
Çiläbe ölkäseneñ Kunaşak rajonï tatar avïllarïna säjaxät kïlïndï;
29 sentjabr’ könne "Rosatom" binasï janïda piket jasaldï;
ber tapkïr xäjrija jardäme alïp barïldï;
ělemtälär korïldï, şul isäptän avïllarda jaşäüçelärdän dä mäg˝lümatlar tuplana;
«Ural Çernobïle - tatar facigase" isemle sajt jasaldï. Adresï: http://nuclear.tatar.mtss.ru. Anda bulgan mäg˝lümatlar tärtipläp tuplana. Şulaj uk "MTSS" sajtïnda forumda bu turïda fikerlär alïşïna: http://mtss.ru/forum/viewtopic.php?t=1405&start=0 ;
Çakïrabïz!
"2007 - «MAJAK» zhiteşterü berläşmäsennän zïjan kürüçelärgä xäjrija jardäme elï" dip ig˝lan itüne jaklarga;
bu nisbättän başlagan ěşlärne dävam itärgä, mäg˝nävi jaktan tügäräkälärgä, bu ěştä äfätkä tarïgan millättäşlärebezgä jardäm itü maksatïnnan tatarlarnïñ köçen bar dön’jadan tuplarga, berläştereregä;
RF nïñ bşka xalïklarï belän berläşep bu faciganïñ tulï çişeleşen täěmin itärgä;
Üzegezneñ jaklau häm rizalïgïgïznï initsiativ törkem äg˝zalarïna xäbär itüegezne, jaki kürsätelgän forumnarda jazuïgznï sorïjbïz. Bezne jaklauçïlar isemlege barlïk cämägat’çelekkä dä açïk bulaçak.
Alija Tajsina (Almanija), "Bertugan näşrijatï, ph. 06721/ 993893, ataissina
hotmail.com , ataissinalist.ru
Äsxät Cihanşin (Iske Oskol ş.), ziganshin-amail.ru
Gajar' Iskändärov (Mäskäü ş. ), "Möselman xalïklarï üseşe fondï" ictimagïj oeşmasï, ph. 07-910-4564820,
nuclear-tatarnm.ru